புதிய நாடாளுமன்ற கட்டடம் : உச்சநீதிமன்றத்தின் தீர்ப்பு இன்று! 

புதிய நாடாளுமன்ற கட்டடம் தொடா்பாக தொடரப்பட்ட வழக்கில் உச்சநீதிமன்றம் இன்று (செவ்வாய்க்கிழமை) தீர்ப்பளிக்கவுள்ளது.

புதிய நாடாளுமன்ற கட்டடம் மத்திய தலைமைச் செயலகம் உள்ளிட்டவற்றை கொண்ட சென்ட்ரல் விஸ்டா திட்டத்தை செயற்படுத்த மத்திய அரசு முடிவு செய்துள்ளது.

இந்த புதிய கட்டடம் 900 முதல் ஆயிரத்து 200 நாடாளுமன்ற உறுப்பினர்கள் அமரக்கூடிய வகையில் கட்டப்படவுள்ளது.

இந்த திட்டத்துக்கு வழங்கப்பட்ட தடையில்லா சான்றிதழ் சுற்றுச்சூழல் அனுமதி உள்ளிட்டவைகளுக்கு எதிராக உச்சநீதிமன்றத்தில் பல்வேறு மனுக்கள் தாக்கல் செய்யப்பட்டன.

அந்த மனுக்களை விசாரித்து வந்த உச்சநீதிமன்றம்  கடந்த நவம்பா் மாதம் 5-ஆம் திகதி வழக்கின் தீா்ப்பை ஒத்திவைத்தது. இதனைத் தொடர்ந்து குறித்த வழக்கின் தீர்ப்பு இன்று வழங்கப்படவுள்ளது.