28ஆம் தேதி காஞ்சிபுரம் தெற்கு மாவட்டத்தில் திமுக தலைவர் மு.க. ஸ்டாலின் ஆர்ப்பாட்டம் நடத்துகிறார்! 

அரியலூர் அருகே ‘ஹிந்தி தெரியாதா? அப்ப லோன் இல்லை’ என ஓய்வு பெற்ற மருத்துவர் ஒருவரை இந்தியன் ஓவர்சிஸ் வங்கி திருப்பிய அனுப்பிய சம்பவம் அதிர்ச்சியை ஏற்படுத்தியுள்ளது. அந்த வங்கி மேலாளர் மீது மான நஷ்ட ஈடு கேட்டு ஓய்வுபெற்ற மருத்துவர் நோட்டீஸ் அனுப்பியுள்ளார்.

வேளாண்துறையில் சீர்திருத்தம் என்ற பெயரில் மக்களவையில் நிறைவேறிய 3 மசோதாக்களுக்குக் காங்கிரஸ் உள்ளிட்ட எதிர்க்கட்சிகள் கடும் எதிர்ப்பு தெரிவித்தன. இருப்பினும் எதிர்ப்பை மீறி இந்த மசோதாக்கள், மாநிலங்களவை மற்றும் மக்களவையில் நிறைவேறின.

மத்திய அரசு கொண்டு வந்துள்ள வேளாண் மசோதாக்கள் குறித்து நேற்று தோழமை கட்சிகளுடன் ஆலோசனை நடத்திய ஸ்டாலின் மாவட்ட, ஒன்றிய தலைநகரங்களில் வரும் 28 ஆம் தேதி ஆர்ப்பாட்டம் நடைபெற உள்ளதாக அறிவித்தார்.

இந்நிலையில் திமுக தோழமை கட்சித் தலைவர்கள் ஆர்ப்பாட்டம் நடத்த உள்ள இடங்களின் விவரங்கள் வெளியிடப்பட்டுள்ளன. அதில் காஞ்சிபுரம் தெற்கு மாவட்டத்தில் திமுக தலைவர் மு.க. ஸ்டாலின் ஆர்ப்பாட்டம் நடத்துகிறார். சென்னை மேற்கில் கி வீரமணி, சென்னை வடக்கில் கே. எஸ்.அழகிரி, சென்னை தெற்கில் வைகோ ஆகியோர் ஆர்ப்பாட்டம் நடத்துகின்றனர். சென்னை கிழக்கில் பாலகிருஷ்ணன், தஞ்சையில் முத்தரசன், திருச்சியில் காதர் மொய்தீன் ஆகியோர் பங்கேற்கின்றனர். கடலூர்- திருமாவளவன், தாம்பரம் -ஜவாஹிருல்லா, கோவை- ஈஸ்வரன், பெரம்பலூரில் ரவி பச்சமுத்து ஆகியோர் தலைமையில் ஆர்ப்பாட்டம் நடைபெறுகிறது.