கொரோனா அழியாமலும் போகலாம் ; WHO எச்சரிக்கை...! 

உலகையே அச்சுறுத்திவரும் புதிய கொவிட் 19 வைரஸ், முழுமையாக அழியாமலும் போகலாமென உலக சுகாதார அமைப்பு எச்சரித்துள்ளது. சமூகத்தில் வைசரஸ் தொற்று காணப்படும் நிலையில், சாதாரண வாழ்வியலை உலக மக்களால் நடத்திச்செல்ல முடியுமென உலக சுகாதார அமைப்பு சுட்டிக்காட்டியுள்ளது.

இதனிடையே கொரோனா வைரசை கட்டுப்படுத்துவதற்கென விதிக்கப்பட்ட தடைகளை தளர்த்துவதனூடாக, வைரஸ் தொற்றின் இரண்டாம் கட்டம் ஆரம்பமாகுமென வெளியாகும் தகவல்களை ஏற்றுக்கொள்ள முடியாதெனவும் உலக சுகாதார அமைப்பு தெரிவித்துள்ளது. உலகளாவிய ரீதியில் 213 நாடுகளில் பரவியுள்ள வைரஸ் தொற்றால் பலியானவர்களின் எண்ணிக்கை 3 இலட்சத்தை எட்டவுள்ளது.

44 இலட்சத்து 29 ஆயிரத்துக்கும் மேற்பட்டோர் பாதிக்கப்பட்டுள்ளனர். அவர்களில் 16 இலட்சத்து 58 ஆயிரத்துக்கும் மேற்பட்டோர் சிகிச்சைக்கு பின்னர் குணமடைந்துள்ளனர். 212 நாடுகளில் கொரோனா வைரஸ் பரவியுள்ள நிலையில், அமெரிக்காவிலே அதிகளவிலான தொற்றாளர்கள் அடையாளம் காணப்பட்டுள்ளனர். அந்நாட்டில் 14 இலட்சத்து 30 ஆயிரத்திற்கும் அதிகமானோர் தொற்றாளர்களாக பதிவாகியுள்ளனர். 85 ஆயிரத்து 197 பேர் உயிரிழந்துள்ளதாக சர்வதேச ஊடகங்கள் செய்தி வெளியிட்டுள்ளன.