தயாராகிவரும் கண்டியில் ஏற்பட்ட நில அதிர்வுகள் தொடர்பான அறிக்கை! 

கண்டியில் பல இடங்களில் அண்மையில் ஏற்பட்ட நில அதிர்வுகள் தொடர்பான அறிக்கையை புவிசரிதவியல் மற்றும் சுரங்கத் தொழில் பணிமனையின் நிபுணர்கள் குழு தயாரித்து வருகிறது.

இந்த அறிக்கை எதிர்வரும் 4 திங்களுக்குள் முன்வைக்கப்படும் என அதன் பணிப்பாளர் நாயகம் டி.சஜ்ஜன டி சில்வா தெரிவித்துள்ளார்.

கண்டி – திகன பிரதேசத்தில் நேற்று (ஞாயிற்றுக்கிழமை) சிறிய அளவான நில நடுக்கமொன்று பதிவாகியுள்ளது.

இந்த நில நடுக்கம், ரிக்டர் மானியில் 2 மெக்னிரியூட் அளவில் பதிவானதாக புவிசரிதவியல் மற்றும் சுரங்கத்தொழில் பணிமனை தெரிவித்துள்ளது.

இதற்கு முன்னர் கடந்த மாதம் 18ஆம் திகதியும் இந்த பிரதேசத்தில் 2 மெக்னிரியுட் அளவில் நில அதிர்வொன்று பதிவாகி இருந்ததுடன், அதற்கு முன்னரும் அந்த பகுதியில் பல சந்தர்ப்பங்களில் நில நடுக்கங்கள் பதிவாகியிருந்தன என்பது குறிப்பிடத்தக்கது.