அமெரிக்க தேர்தலில் வெற்றி பெற்ற ஜோ பைடன், கமலா ஹாரிசுக்கு இலங்கையின் முக்கிய தமிழ் கட்சியான தமிழ் தேசியக் கூட்டணி வாழ்த்தியுள்ளது! 

இலங்கைத் தமிழ் மக்களின் பிரதான அரசியல் கட்சியாக, நாங்கள் அமெரிக்க ஜனாதிபதி தேர்தலில் வெற்றி பெற்றுள்ள ஜோ பைடன், கமலா ஹாரிசை வாழ்த்துகிறோம் என அக்கட்சி நேற்று வெளியிட்ட அறிக்கையில் கூறியுள்ளது. அவர்களுக்கு வாழ்த்து தெரிவித்துள்ள முதல் இலங்கை கட்சி தமிழ் தேசியக் கூட்டணி என்பது குறிப்பிடத்தக்கது.

தமிழ் வம்சாவளியைச் சேர்ந்த கமலா ஹாரிஸ், அமெரிக்காவின் முதல் பெண் துணை ஜனாதிபதி என்ற பெருமைக்கு உரியவர். அமெரிக்காவில் குடியேறியவர்களில் முதல் துணை ஜனாதிபதி, முதல் ஆப்பிரிக்க- அமெரிக்க, ஆசிய- ஆப்பிரிக்க, இந்திய- அமெரிக்க துணை ஜனாதிபதி ஆகிய முதன்மைகளுக்கும் சொந்தக்காரர்.



கமலா கடந்த ஆகஸ்டு மாதம் துணை ஜனாதிபதி வேட்பாளராக தேர்வு செய்யப்பட்டது முதலே, இலங்கை தமிழர்கள் உள்ளிட்ட தமிழ்ச் சமூகம் அவரைத் தங்கள் உறவாக நினைத்து சமூக வலைதளங்களில் வாழ்த்தி வந்தது. தற்போது அவரது வெற்றியைக் கொண்டாடுகிறது.