அட்மா திட்டத்தின் கீழ் 25 விவசாயிகளுக்கு 6 பயிற்சி வகுப்புகள்! 

திண்டுக்கல் மாவட்டம் நத்தம் தாலுகா கோட்டையூர் குரும்பபட்டியில் அட்மா திட்டத்தின் கீழ் விவசாயிகளுக்கான் பயிற்சி வகுப்புகள் நடந்தது. இந்த பயிற்சி வகுப்பு 25 விவசாயிகளை கொண்ட 6  வகுப்புகளாக நடத்தப்பட்டது.

இந்த பயிற்சி வகுப்பில் வேளாண்மை துணை இயக்குநர் ரவிபாரதி பேசியபோது, நெல் சாகுபடி விவசாயிகளுக்கு பண்ணை பள்ளி பயிற்சி முகாமில் நாற்றங்கால் தயாரிப்பு, உர மேலாண்மை குறித்து பேசினார். இந்த பண்ணை பள்ளி பயிற்சி ‌6 வகுப்புகளாக நடைபெறும் என்பதனை பற்றி விளக்கமாக கூறினார்.

வேளாண்மை உதவி இயக்குநர் நல்லமுத்து ராஜா (பொறுப்பு) பேசும்போது, வரிசைக்கு வரிசை 25செ.மீ. இடைவெளியில் நடவு செய்வது பற்றி எடுத்துக்கூறினார். வேளாண்மை துணை அலுவலர் ராமதிலகம் மற்றும் உதவி வேளாண்மை அலுவலர்  செந்தில்குமார் உடன் இருந்தனர்.  இதற்கான ஏற்பாடுகளை அட்மா திட்ட உதவி மேலாளர்கள் வேல்முருகன் மற்றும் சேகர் ஆகியோர் செய்து இருந்தனர்.