நியமனம் வழங்கப்பட்டுள்ள பட்டதாரிகளுக்கான பயிற்சிகள் தொடர்பில் மாவட்ட செயலகத்தில் ஆராய்வு! 

யாழ். மாவட்டத்தில் தெரிவு செய்யப்பட்ட  பட்டதாரி பயிலுனர் நியமனக் கடிதங்கள்  ஒவ்வொரு பிரதேச செயலக ரீதியாகவும் வழங்கப்படவுள்ள நிலையில் அவர்களுக்கான துறைரீதியாக நடத்தப்படவுள்ள பயிற்சிப் பட்டறைகள் தொடர்பான கலந்துரையாடல் அரசாங்க அதிபர் தலைமையில் இன்று  காலை மாவட்ட செயலகத்தில் நடைபெற்றது. 

இக் கலந்துரையாடலில் மேலதிக அரசாங்க அதிபர், பட்டதாரி பயிற்சிக்காக துறைசார் இராணுவ அதிகாரிகள் மற்றும் மாவட்ட செயலக உத்தியோகத்தர்கள் கலந்துகொண்டிருந்தனர்.

மேலும், தெரிவுசெய்யப்பட்ட பட்டதாரிகளுக்காக அரசாங்கத்தினால் வழங்கப்பட்ட அறிவுறுத்தலுக்கமைவாக வழங்கப்படவுள்ள பயிற்சிகள் ( On the job training) , அறிக்கையிடல் காலம், அதற்கான ஏற்பாடுகள், மற்றும் பௌதீக, ஆளணி வளங்கள் தொடர்பாகவும் இன்றைய கூட்டத்தில் விரிவாக கலந்துரையாடப்பட்டது.