தேர்தல் சமயத்தில் கூட்டணி குறித்து முடிவு: அமைச்சர் ஜெயக்குமார் கருத்து 

தமிழக மீன்வளத்துறை அமைச்சர் ஜெயக்குமார் நேற்று நிருபர்களுக்கு பேட்டி அளித்தார். அப்போது பிரேமலதா விஜயகாந்த்தின் கருத்து குறித்து நிருபர்கள் கேள்வி எழுப்பினர்.

அதற்கு பதிலளித்து அமைச்சர் ஜெயக்குமார் கூறியதாவது: அதிமுக கூட்டணியில் எந்த பிரச்னையும் இல்லை. அனைவரையும் அரவணைத்து செல்லக்கூடியது கட்சி தான் அதிமுக.

அந்த சூழல்தான் கட்சியில் நிலவுகிறது. சட்டமன்ற தேர்தல் வரும் சமயத்தில் கூட்டணி குறித்த முடிவுகள், நிலைப்பாடுகள் அறிவிக்கப்படும்.

தற்போதைய நிலையில் அதிமுக கூட்டணியில் எந்த பிரச்னையும், குழப்பமும் இல்லை. கூட்டணி ஆரோக்கியமாகவே இருக்கிறது. இவ்வாறு அவர் கூறினார்.