இன்று 5980 பேருக்கு கொரோனா பாதிப்பு - 80 பேர் மரணம்! 

கொரோனா வைரஸ் பரவலை கட்டுப்பாட்டுக்குள் கொண்டு வர அரசுகள் முயற்சிகள் மேற்கொண்டாலும், தொடர்புகள் மூலம் எளிதாக பரவிவிடுகிறது. இதனால், தினமும் 5 ஆயிரத்துக்கு குறையாமல் பாதிப்புகள் பதிவாகின்றன.

கடந்த 24 மணி நேரத்தில் மட்டும் 5980 பேர் கொரோனா வைரஸால் பாதிக்கப்பட்டுள்ளதாக தமிழக சுகாதாரத்துறை தெரிவித்துள்ளது. மேலும், 80 பேர் உயிரிழந்துள்ளனர். இவர்களில் பிற நோயுடன் சிகிச்சை பெற்று இறந்தவர்கள் 72 பேர் ஆவர். எந்த நோயும் இல்லாமல் கொரோனா பாதித்து இறந்தவர்கள் 8 பேர் ஆவர்.

இதனிடையே, கொரோனாவில் இருந்து குணமடைந்து இன்று 5603 பேர் வீடு திரும்பியுள்ளனர்.

இதுவரை தமிழகத்தில் 373410 பேருக்கு கொரோனா பாதிப்பு ஏற்பட்டுள்ளது. இதில் 313280 பேர் இதுவரை குணமடைந்துள்ளனர். 6420 பேர் உயிரிழந்துள்ளனர். 53710 பேர் சிகிச்சை பெற்று வருகின்றனர்.