கனடாவில் தொடர் அட்டூழியங்களில் ஈடுபட்ட நிர்வாண மனிதன்.....! 

கனடாவில் நிவாண மனிதன் ஒருவர் தொடர்ச்சியாக அட்டூழியங்களில் ஈடுபட்டதைக் கண்ணால் கண்டதாக பெண்மணி ஒருவர் தெரிவித்துள்ளார்.

கனடாவின் Okanagan பகுதியில் வாழும் Dianne Clark என்ற பெண்மணி வாழ்க்கையில் என்னென்னவோ பார்த்திருகிறேன், இப்படி ஒரு அட்டூழியத்தை இதுவரை பார்த்ததில்லை என்கிறார்.

நேற்று மதியம் யாரோ ஒருவருடைய வேன் ஒன்றைத் திருடி, தாறுமாறாக ஓட்டிக்கொண்டுவந்த ஒரு நிர்வாண மனிதன், தீயணைப்பதற்கு பயன்படுத்தும் பெரிய தண்ணீர்க்குழாய் ஒன்றில் சென்று மோதியிருக்கிறார்.

அந்த குழாய் உடைந்து தண்ணீர் பீய்ச்சி அடிக்க, யாரைப்பற்றியும் கவலைப்படாமல், வேனிலிருந்து இறங்கி நிர்வாணமாகவே அந்த தண்ணீரில் குளித்திருகிறார்.

பின்னர், மீண்டும் வேனை எடுத்துக்கொண்டு படு வேகமாக மலைப்பாதை ஒன்றின் மீது ஓட்டிக்கொண்டு சென்றுள்ளார்.

அவர் தண்ணீர்க்குழாயை உடைத்ததால், அப்பகுதி முழுவதும் வெள்ளக்காடாகியுள்ளது. பின்னர் அநாதரவாக விடப்பட்டிருந்த அந்த வேன் கைப்பற்றப்பட்டுள்ளது.

அந்த நபரை பிடித்த பொலிசார், அவரது உடலில் காயங்கள் இருந்ததால் மருத்துவமனையில் அனுமதித்துள்ளார்கள்.

மேலும், அவருக்கு ஏதாவது குறைபாடுகள் உள்ளனவா என விசாரித்து வருகிறார்கள்.