ஜூன் 1 முதல் 33 ரயில்கள் சேவையில் ஈடுபடவுள்ளன....! 

நாளை முதல் 33 ரயில்கள் போக்குவரத்தில் ஈடுபடுத்தப்படவுள்ளன. குறித்த ரயில்களில் பயணிப்பதற்கென 20 ஆயிரம் பேர் அனுமதி கோரியுள்ளதாக ரயில்வே பிரதி பொது முகாமையாளர் காமினி செனவிரத்ன தெரிவித்துள்ளார். நாளை முதல் ஜுன் 3ம் திகதி வரை குறித்த ரயில்கள் சேவையில் ஈடுபடுமென அவர் குறிப்பிட்டார்.

அரச மற்றும் தனியார் பிரிவுகளில் பணிபுரியும் ஊழியர்களுக்கு ரயில் நிலையங்களினூடாக ரயில் அனுமதி பத்திரங்களை வெளியிட நடவடிக்கை எடுக்கப்பட்டுள்ளது. அவசர தேவை கருதி தொழிலுக்கு அழைக்கப்பட்டுள்ள நபர்கள் அவர்களுக்கு தேவையான பயண அனுமதிச்சீட்டை பணம் செலுத்தி பெற்றுக்கொள்ள முடியும். அவர்கள் கூட்டம் கூட்டமாக செல்வதை தவிர்த்து, சுகாதார வழிமுறைகளுக்கமைய உரிய முறையில் பயணச்சீட்டுக்களை பெற்றுக்கொள்ளுமாறு ரயில்வே பிரதி பொது முகாமையாளர் காமினி செனவிரத்ன பொதுமக்களிடம் கேட்டுக்கொண்டுள்ளார்.