முருங்கைக்காய், பச்சைமிளகாயின் விலையில் ஏற்பட்ட மாற்றம்..! 

நாரஹேன்பிட்டி பொருளாதார மத்திய நிலையத்தில் ஒரு கிலோ கிராம் முருங்கைக்காயின் சில்லறை விலை நேற்று 2000 ரூபாவாக உயர்ந்துள்ளது .

அந்த பொருளாதார நிலையத்தில் ஒரு கிலோ முருங்கைக்காயின் மொத்த விலை 1980 ரூபாவாகவும்.

இதேவேளை மெகொட விசேட பொருளாதார மத்திய நிலையத்தில் ஒரு கிலோ பச்சை மிளகாய் மொத்த விற்பனை விலை 1000 ரூபாவிற்கு மேல் இருந்தது.

அதற்கமைய, ஏனைய சில இடங்களில் ஒரு கிலோ பச்சை மிளகாய் 1,100 ரூபாய்க்கும் விற்பனைசெய்யப்பட்டுள்ளது .

கடந்த சில தினங்களுக்கு முன்னர் 2,000 ரூபாவுக்கு மேல் இருந்த ஒரு கிலோ கேரட்டின் மொத்த விலை 650 ரூபாவாக குறைந்துள்ளதாக நேற்று நுவரெலியா விசேட பொருளாதார மத்திய நிலையம் கூறியுள்ளது.