முக்கிய உறுப்பினர் காலமானார் 

தமிழ் தேசிய கூட்டமைப்பின் முன்னாள் மட்டக்களப்பு மாவட்ட நாடாளுமன்ற உறுப்பினரும் இலங்கை தமிழரசுக் கட்சியின் மூத்த துணைத் தலைவருமான பொன்னம்பலம் செல்வராசா இன்று இறைபதம் அடைந்தார்.

தனது 77 ஆவது வயதில் உடல்நலக் குறைவினால் இயற்கை எய்தியுள்ள அன்னாரின் உடல் மட்டக்களப்பு நகரில் உள்ள அவரது வீட்டில் அஞ்சலிக்காக வைக்கப்பட்டுள்ளது.

கிழக்கு மாகாணத்தின் மட்டக்களப்பு மாவட்டத்தை பிரதிநிதித்துவப்படுத்தி, இரண்டு தடவைகள் நாடாளுமன்றத்திற்கு தெரிவான பொன்னம்பலம் செல்வராசா 1946 ஆம் ஆண்டு ஜுலை மாதம் 25 ஆம் திகதி பிறந்தார்.