ஈரான் மீதான தடைகளை தொடர்ந்து நீட்டிக்கபோவதாக பிரிட்டன், பிரான்ஸ், மற்றும் ஜெர்மனி ஆகிய  நாடுகள் கூட்டாக அறிவித்துள்ளன.

மத்திய கிழக்கு நாட்டின் அணுசக்தி திட்டம் மற்றும் பாலிஸ்டிக் ஏவுகணைகளின் மேம்பாடு தொடர்பாக ஈரான் மீதான பொருளாதாரத் தடைகளைத் தொடரப்போவதாக அறிவித்துள்ளன.

தெஹ்ரானுக்கும் உலக வல்லரசுகளுக்கும் இடையே இப்போது செயலிழந்த அணுசக்தி ஒப்பந்தத்தில் குறிப்பிடப்பட்டுள்ள கால அட்டவணையின் கீழ் இந்த நடவடிக்கைகள் அக்டோபரில் காலாவதியாகவிருந்தது.

அணுசக்தி ஒப்பந்த  பேச்சுவார்த்தைக்கு உதவிய E3 என அழைக்கப்படும் மூன்று ஐரோப்பிய கூட்டாளிகள், “ஈரானின் நிலையான மற்றும் கடுமையான இணக்கமின்மைக்கு நேரடியான பதிலில்” தங்கள் பொருளாதாரத் தடைகளைத் தக்கவைத்துக் கொள்வதாகக் கூறியுள்ளனர்.

அதேபோல் அணு மற்றும் பாலிஸ்டிக் ஏவுகணை திட்டத்தில் ஈடுபட்டுள்ள பல ஈரானிய தனிநபர்கள் மற்றும் நிறுவனங்களுக்கான சொத்து முடக்கமும் இதில் அடங்கும் எனவும் அந்த அறிக்கையில் தெரிவிக்கப்பட்டுள்ளது