தீபாவளி பண்டிகை: குடும்ப அட்டைதாரர்களுக்கு ரூ. 490!.. 

தீபாவளி பண்டிகையை முன்னிட்டு புதுச்சேரியில் உள்ள குடும்ப அட்டைதாரர்களுக்கு அரிசி, சர்க்கரைக்குப் பதிலாக ரூபாய் 490 வழங்கப்படும் என புதுச்சேரி அரசு அறிவிப்பு வெளியிட்டுள்ளது.

இந்துக்களின் முக்கிய பண்டிகைகளின் ஒன்றான தீபாவளி நாடு முழுவதும் வருகிற 12-ஆம் தேதி கொண்டாடப்பட உள்ளது.

இந்த நிலையில், தீபாவளியை முன்னிட்டு புதுச்சேரியில் உள்ள குடும்ப அட்டைதாரர்களுக்கு அரிசி, சர்க்கரைக்குப் பதிலாக ரூபாய் 490 வழங்கப்படும் எனப் புதுச்சேரி அரசு அறிவிப்பு வெளியிட்டுள்ளது.

தீபாவளிக்கு 10 கிலோ அரிசி, 2 கிலோ சர்க்கரைக்குப் பதில், பயனாளிகளின் வங்கிக்கணக்கில் ரூபாய் 490 செலுத்தப்படும் என அறிவிக்கப்பட்டுள்ளது.

அதன்படி சுமார் 3 இலட்சத்து 37 ஆயிரம் பயனாளிகளுக்கு, தலா ரூபாய் 490 வழங்கப்பட உள்ளது. இதற்கு 16 கோடியே 53 இலட்சம் ரூபாயைப் புதுச்சேரி அரசு ஒதுக்கியுள்ளது.

இதற்டையே, புதுச்சேரியில் தீபாவளிக்கு அடுத்த நாளான திங்கட்கிழமை விடுமுறை அளித்து முதலமைச்சர் இரங்கசாமி உத்தரவிட்டார்.