இலங்கையர்களை நாடுகடத்திய குவைத் அரசு... 

வீசா இல்லாமல்  குவைத்தில் சட்டவிரோதமாக தங்கியிருந்து பணிபுரிந்து வந்த இலங்கையை சேர்ந்த  26 பேர், இலங்கை தூதரகத்தின் தலையீட்டின் கீழ் குவைத்திலிருந்து நாடு கடத்தப்பட்டு இலங்கைக்கு அனுப்பி வைக்கப்பட்ட நிலையில், இன்று (08) காலை கட்டுநாயக்க விமான நிலையத்தை வந்தடைந்தனர்.

குவைத்தில் உள்ள இலங்கைத் தூதரகத்தில் பதிவு செய்துள்ள 2000க்கும் மேற்பட்ட  பணியாளர்களில் உள்ளடங்கியுள்ள  இந்தக் குழு இலங்கை வருவதோடு, எஞ்சிய பணியாளர்களும் பகுதி பகுதியாக  இலங்கைக்கு அனுப்பப்பட்டு வருவதாகத் தூதரகத்தின் பேச்சாளர்  தெரிவித்துள்ளார்.

இது தொடர்பில் குவைத் நாட்டின் குடிவரவுத் திணைக்களம், குற்றப் புலனாய்வுத் திணைக்களம், நீதித்துறை மற்றும் உள்நாட்டு அலுவல்கள் அமைச்சு ஆகியவற்றுடன் இணைந்து பணியாற்றிய இலங்கைத் தூதரகத்தின் அதிகாரிகள், இந்த வீட்டுப் பணியாளர்களுக்கு எதிரான வழக்குகளை வாபஸ் பெற்று, அவர்கள் செலுத்த வேண்டிய அபராதத் தொகையை ரத்து செய்துள்ளனர்.

மேலும், விமானப் பயணச்சீட்டு இல்லாத நிலையிலிருந்த  இந்த பணியாளர்களுக்கு இலங்கைக்கு வருவதற்கு விமான டிக்கெட்டுகளை வழங்குவதற்கு குவைத்தில் உள்ள இலங்கை தூதரகம் நடவடிக்கை எடுத்திருந்தமை குறிப்பிடத்தக்கது.