இலங்கையில் வீதிக்கு வந்து போராட்டம் நடத்திய மாணவர்கள் 

கிளிநொச்சி கோனாவில் மகா வித்தியாலத்தில்  ஆசிரியர் பற்றாக்குறை நிவர்த்தி செய்யப்படாததால்   அதனை நிவர்த்தி செய்யுமாறு கோரி மாணவர்கள் தங்களது பெற்றோர்களுடன் வீதியில் இறங்கி போராட்டத்தை முன்னெடுத்திருந்தனர்.

 இன்று செவ்வாய்க்கிழமை (12) காலை 8 மணியளவில் குறித்த போராட்டம் பாடசாலைக்கு முன்பாக இடம்பெற்றது. 

பாடசாலைக்கு ஆசிரியர்களை நியமிக்கும் வரை ஆசிரியர் இடம்மாற்றம்  வழங்காதே, பற்றாக்குறையான ஆசிரியர்களை நியமிக்கவும் போன்ற பதாதைகளை ஏந்தியவாறு போராட்டத்தில் ஈடுப்பட்டனர்.