ரஷ்ய எல்லைக்குள் நடந்த மிக மோசமான தாக்குதல் 

ரஷ்யாவின் பிஸ்கோவ் பகுதியில் உள்ள விமான தளத்தை தாக்கிய ட்ரோன்கள், ரஷ்யாவின் எல்லைக்குள் இருந்து ஏவப்பட்டது என உக்ரைனின் GUR இராணுவ புலனாய்வு தலைவர் Kyrylo Budanov கூறியுள்ளார்.

ட்ரோன் தாக்குதல் செவ்வாய்க்கிழமை அன்று ரஷ்யாவின் பிஸ்கோவ் பகுதியில் உள்ள விமான தளத்தை 10 முதல் 20 வரையிலான ட்ரோன்கள் தாக்கியதாக தகவல் வெளியானது.

இத்தாக்குதலின் விளைவாக நான்கு ரஷ்ய IL-76 இராணுவ போக்குவரத்து விமானங்கள் தாக்கப்பட்டன. இரண்டு அழிக்கப்பட்டன மற்றும் இரண்டு கடுமையாக சேதமடைந்தன' என தெரிவித்துள்ளார்.

ரஷ்யா பாதுகாப்பு அமைச்சகம் துருப்புகள் மற்றும் சரக்குகளை கொண்டு செல்ல சேதமடைந்த விமானத்தை பயன்படுத்தியதாகவும் மேலும் அவர் குறிப்பிட்டார்.

மே மாத இறுதியில் ட்ரோன்களால் குறிவைக்கப்பட்ட Pskov பகுதி, அதன் மேற்கில் நேட்டோ உறுப்பினர்களான எஸ்டோனியா மற்றும் லாட்வியா, தெற்கில் பெலாரஸ் ஆகியவற்றால் சூழப்பட்டுள்ளது குறிப்பிடத்தக்கது.