பொதுச்சபை கூட்டம் : பிரதமர் மோடி பங்கேற்பு!  

புதுடெல்லி இன்டர்போல் எனப்படும் சர்வதேச காவல் அமைப்பின் பொதுச்சபை கூட்டத்தை பிரதமர் மோடி இன்றுதொடங்கி வைத்து உரையாற்றுகிறார்.

இந்த கூட்டம் டெல்லியில் இன்று துவங்கி நடக்க உள்ளது. சர்வதேச அளவில் போலீஸ் துறையில் நாடுகளுக்கு இடையே ஒத்துழைப்பு அளிக்கும் வகையில் உருவாக்கப்பட்டதுதான் இன்டர்போல் அமைப்பு. ஐரோப்பிய நாடான பிரான்சின் லியான் நகரை தலைமையிடமாக வைத்து செயல்படும் இந்த அமைப்பில் மொத்தம் 195 நாடுகள் இடம்பெற்றுள்ளன.

இன்டர்போலின் 90வது பொதுச்சபை அக்டோபர் 18 முதல் 21 வரை நடைபெறுகிறது. இந்தக் கூட்டத்தில் 195 இன்டர்போல் உறுப்பு நாடுகளைச் சேர்ந்த மந்திரிகள், நாடுகளின் போலீஸ் அமைப்பின் தலைவர்கள், தேசிய மத்திய பணியகங்களின் தலைவர்கள் மற்றும் மூத்த போலீஸ் அதிகாரிகள் அடங்கிய பிரதிநிதிகள் கலந்து கொள்கின்றனர். மத்திய உள்துறை மந்திரி அமித் ஷா, அக்டோபர் 21-ம் தேதி சட்டசபையின் இறுதி நாளில் தனது உரையாற்ற உள்ளார் . 

இன்டர்போல் தலைவர் அகமது நாசர் அல் ரைசி, பொதுச் செயலாளர் ஜுர்கன் ஸ்டாக் மற்றும் மத்திய புலனாய்வுப் பணியகத்தின் இயக்குநர் ஆகியோரும் இந்நிகழ்ச்சியில் கலந்துகொள்வார்கள் என கூறப்பட்டுள்ளது. 

பொதுச்சபை என்பது இன்டர்போலின் உச்ச நிர்வாகக் குழு மற்றும் அதன் செயல்பாடு தொடர்பான முக்கிய முடிவுகளை எடுக்க ஆண்டுக்கு ஒரு முறை கூடுகிறது. சுமார் 25 ஆண்டுகளுக்குப் பிறகு இந்தியாவில் இன்டர்போல் பொதுச் சபைக் கூட்டம் நடைபெறுகிறது. 

இது இந்தியாவில் கடைசியாக 1997 இல் நடைபெற்றது. நம் நாட்டின் சார்பில் இந்த அமைப்பில்தான் சி.பி.ஐ இடம்பெற்றிருக்கிறது என்பதால் இந்த இன்டர்போல் பொது சபை கூட்டத்தை நடத்துவதற்கான ஏற்பாடுகளையும் சிபிஐ கவனித்து கொண்டு வருகிறது