ஸ்டாலின் வீட்டிற்கு வெடி குண்டு மிரட்டல்!... 

தமிழக முதல்வர் மு.க.ஸ்டாலின் வீட்டிற்கு வெடி குண்டு மிரட்டல் விடுத்த சம்பவம் பெரும் பரபரப்பை ஏற்படுத்தியுள்ளது.

சென்னையில் உள்ள காவல் கட்டுப்பாட்டு அறைக்கு தொடர்பு கொண்ட அடையாளம் தெரியாத ஒருவர், முதல்வர் ஸ்டாலினின் தேனாம்பேட்டை வீடு உள்ளிட்ட 7 இடங்களில் வெடி குண்டு வெடிக்கும் என மிரட்டல் விடுத்துவிட்டு, போன் இணைப்பை துண்டித்துவிட்டார்.

இதனால் அதிர்ச்சியடைந்த காவல்துறை அதிகாரிகள், உடனடியாக, முதல்வர் ஸ்டாலினின் தேனாம்பேட்டை இல்லம் உள்ளிட்ட 7 இடங்களில் வெடி குண்டு கண்டறியும் நிபுணர்களை வரவழைத்து அங்குலம் அங்குலமாக சோதனை நடத்தினர். இதில், அந்த தகவல் புரளி எனத் தெரிய வந்தது.

இதனையடுத்து, அந்த தொலைப்பேசி எண்ணை வைத்து, மிரட்டல் விடுத்த நபர் யார் என்று தீவிர விசாரணையில் இறங்கினர். இதில், நீலகிரியைச் சேர்ந்த கணேசன் என்பவர்தான் முதல்வர் வீட்டிற்கு வெடிகுண்டு மிரட்டல் விடுத்துள்ளார் என்பது தெரியவந்தது. இதனைத் தொடர்ந்து அவரை பிடித்து விசாரணை செய்து வருகின்றனர்.

ஏற்கனவே, மதுபோதையில் முதல்வரின் வீட்டிற்குக் கன்னியாகுமரியைச் சேர்ந்த இசக்கிமுத்து வெடி குண்டு மிரட்டல் விடுத்தார் என்பது குறிப்பிடத்தக்கது.