Skip to main content

அபுதாபியில் இந்திய பாஸ்போர்ட்களை புதுப்பிக்க விண்ணப்பிக்கலாம் என்று அறிவிக்கப்பட்டு உள்ளது!

Dec 10, 2020 266 views Posted By : YarlSri TV
Image

அபுதாபியில் இந்திய பாஸ்போர்ட்களை புதுப்பிக்க விண்ணப்பிக்கலாம் என்று அறிவிக்கப்பட்டு உள்ளது! 

அபுதாபி பகுதியில் கொரோனா பாதிப்பை கருத்தில் கொண்டு முன்னெச்சரிக்கை நடவடிக்கையாக இந்திய பாஸ்போர்ட்களை புதுப்பிப்பதில் பல்வேறு கட்டுப்பாடுகள் விதிக்கப்பட்டுள்ளது. இதன் காரணமாக ஏற்கனவே பாஸ்போர்ட்கள் காலாவதியானவர்களும், அடுத்த மாதம் (ஜனவரி) 31-ந் தேதி பாஸ்போர்ட் தேதி முடிவடைய இருப்பவர்களும் தற்போது பாஸ்போர்ட்களை புதுப்பிக்க விண்ணப்பிக்கலாம்.



மேலும் பாஸ்போர்ட்டை அவசரமாக புதுப்பிப்பது தொடர்பான கோரிக்கைகள் எதுவும் இருந்தால், பொதுமக்கள் cons.abudhabi@mea.gov.in என்ற இ-மெயிலுக்கு அனுப்பலாம். என்ன காரணத்துக்காக பாஸ்போர்ட் அவசரமாக தேவைப்படுகிறது என்பதை தெளிவாகவும், விவரமாகவும் குறிப்பிட வேண்டும்.



இந்த கோரிக்கையானது கவனமாக பரிசீலனை செய்யப்பட்டு பாஸ்போர்ட்டை புதுப்பிக்க தேவையான அனுமதி வழங்கப்படும். மேலும் கடந்த நவம்பர் மாதம் முதல் அபுதாபி பகுதியில் வசித்து வரும் இந்திய ஊழியர்கள் தங்களது நிறுவனத்தின் மக்கள் தொடர்பு அலுவலர் மூலம் விண்ணப்பிக்க ஏற்பாடு செய்யப்பட்டுள்ளது.



இதன் மூலம் அனைத்து விண்ணப்பத்தாரரும் பாஸ்போர்ட்டை புதுப்பிக்க நேரடியாக சம்பந்தப்பட்ட அலுவலகத்துக்கு வரவேண்டிய தேவையில்லை. தொலை தூரத்தில் தங்கியிருப்பவர்களுக்கும் இந்த வசதி பெரிதும் உதவியாக இருந்து வருவது குறிப்பிடத்தக்கது. இந்த வசதி பலருக்கும் பயனுள்ளதாக இருந்து வருவதாக கருதப்படுகிறது. பாஸ்போர்ட்டை புதுப்பிக்க விரும்புபவர்கள் தற்போது அறிவித்துள்ள நடைமுறையை கருத்தில் கொண்டு செயல்பட அறிவுறுத்தப்படுகின்றனர்.



இவ்வாறு அதில் தெரிவிக்கப்பட்டுள்ளது.


Categories: உலகம்
Image
தற்போதைய செய்திகள்
Image

பெட்ரோல் டீசல் விலை தமிழ்நாடு

  • பெட்ரோல்
    77.58/Ltr
  • டீசல்
    70.34/Ltr ( 0.21 )
Image பிரபலமானவை