மருத்துவமனையில் அனுமதிக்கப்பட்ட விஜயகாந்த், சிகிச்சை முடிந்து வீடு திரும்பினார்! 

தேமுதிக தலைவர் விஜயகாந்த்க்கு அண்மையில் கொரோனா உறுதியானதால் அவர் சென்னை மியாட் மருத்துவமனையில் அனுமதிக்கப்பட்டிருந்த நிலையில், அவரது மனைவி பிரேமலதாவுக்கும் கொரோனா உறுதியானது. அதனால் இருவரும் ஒரே மருத்துமனையில் கொரோனா சிகிச்சை பெற்று, கடந்த 2ம் தேதி டிஸ்சார்ஜ் செய்யப்பட்டனர்.

இதனைத் தொடர்ந்து கடந்த 2 நாட்களுக்கு முன்னர் இரண்டாம் கட்ட பரிசோதனைக்காக விஜயகாந்த் மீண்டும் மியாட் மருத்துவமனையில் அனுமதிக்கப்பட்டார். அவரது உடல்நிலை சீராக இருப்பதாகவும் விரைவில் டிஸ்சார்ஜ் செய்யப்படுவார் என்றும் மருத்துவமனை நிர்வாகம் அறிக்கை வெளியிட்டிருந்தது. இந்த நிலையில், தற்போது விஜயகாந்த் மருத்துவமனையில் இருந்து வீடு திரும்பியுள்ளார். முறையான சிகிச்சைக்கு பிறகே அவர் டிஸ்சாரஜ் செய்யப்பட்டிருப்பதாக மியாட் மருத்துவமனை தெரிவித்துள்ளது.