அணியில் அவருக்கு அடுத்தடுத்து வாய்ப்புகள் கிடைக்கவில்லை! 

இங்கிலாந்துக்கு எதிரான 2வது டெஸ்ட் போட்டியில், பாகிஸ்தான் அணியில் 11 ஆண்டுகளுக்குப் பிறகு, ஃபவாத் ஆலம் ஆடும் லெவனில் இடம்பெற்றுள்ளார். அதுவும், உலக இடது கை பழக்கமுடையோர் தினமான இன்று (ஆக.13) , இடது கை வீரர் ஃபவாத் ஆலம் இத்தனை வருடங்களுக்கு பிறகு பாகிஸ்தானுக்காக விளையாடுகிறார்.

கராச்சியைச் சேர்ந்த ஃபவாத் ஆலம், இதுவரை பாகிஸ்தானுக்காக 3 டெஸ்ட் போட்டிகளில் மட்டுமே ஆடியுள்ளார். அதில் 250 ரன்களை 1 சதத்துடன் 41.66 என்ற சராசரியில் எடுத்துள்ளார். தான் ஆடிய முதல் டெஸ்ட் போட்டியிலேயே சதம் அடித்து அன்னிய மண்ணில் அறிமுக டெஸ்ட்டில் சதம் அடித்த முதல் பாக். வீரர் ஆக சாதனை புரிந்தார். ஆனாலும், அணியில் அவருக்கு அடுத்தடுத்து வாய்ப்புகள் கிடைக்கவில்லை.

முதல் டெஸ்ட் போட்டியை இலங்கைக்கு எதிராக 2009ம் ஆண்டு ஆடிய ஃபவாத் ஆலம், கடைசி டெஸ்ட் போட்டியையும் அதே ஆண்டு நியூசிலாந்துக்கு எதிராக டுனெடின் மைதானத்தில் ஆடினார். 38 ஒருநாள் போட்டிகளில் விளையாடி, 40.25 ஆவரேஜ் வைத்திருக்கும் ஃபவாத் ஆலம், 24 டி20 போட்டிகளிலும் ஆடியுள்ளார்.