இவ்வருடம் யாழ் மாநகர சபைக்கு அதிக நிதி நெருக்கடிநிலைமை காணப்படுவதாக தமிழ் தேசியக் கூட்டமைப்பின் யாழ்ப்பாண மாநகர சபை உறுப்பினர் ந.லோகதயாளன்தெரிவித்தார்! 

இவ்வருடம் யாழ் மாநகர சபைக்கு அதிக நிதி நெருக்கடிநிலைமை காணப்படுவதாக தமிழ் தேசியக் கூட்டமைப்பின் யாழ்ப்பாண மாநகர சபை உறுப்பினர் ந.லோகதயாளன்தெரிவித்தார்

யாழ்ப்பாண மாநகரசபை2020 ம்  ஆண்டு மிக அதிக நிதி நெருக்கடியை சந்திக்க கூடிய ஆண்டாக காணப்படுகின்றது

கொரோனா சூழ்நிலை  காரணமாக யாழ்ப்பாண மாநகர சபைக்கு சொந்தமான சுமார் 349 கடைகளுக்கான இரண்டு மாத வாடகை சலுகையினைசபை அனுமதியோடு விலக்களிப்பு  அளிக்கப்பட்டுள்ளது 

 இம்முறை நல்லூர்க் கந்தன் ஆலய உற்சவ காலத்தில் தற்போதைய கொரோனா சூழ்நிலை காரணமாக கடைகளுக்கு அனுமதி மறுக்கப்பட்டுள்ளது இதன்காரணமாக  மாநகர சபைக்கு வருமான இழப்பு ஏற்பட்டுள்ளது நல்லூர் ஆலய உற்சவத்தின் போது யாழ்ப்பாண மாநகர சபைக்கு வருடாந்தம் 1கோடி 50 லட்சம் வருமானம் கிடைக்கின்ற போதும் சபை ரீதியான செயற்பாடுகளுக்காக சுமார் 70 லட்சம் செலவு செய்யப்படுவது வழமை  

எனினும் இந்த முறை நல்லூர் உற்சவ காலத்தில்  அனைத்து செலவுகளையும்  சபையே பொறுப்பேற்க வேண்டிய நிலை காணப்படுகின்றது 

 ஏனைய துறைகளை எடுத்துக்கொண்டால் சந்தை வருமானம் போன்ற ஏனைய வருமானங்களும் கொரோனா தொற்று அச்சம் காரணமாக குறைந்தளவாகவே  சபைக்கு கிடைத்துள்ளது  

இவ்வாண்டு பெரும் நிதிநெருக்கடியினை எமது மாநகரசபைக்கு ஏற்படுத்தியுள்ளது இதன் தாக்கம் எதிர்வரும் வரவு செலவுத்திட்டத்தில் தான் வெளிப்படும்

இது தொடர்பில்  மாநகர சபை  முதல்வர் ஏனைய தரப்பினருடனும் ஆராய்ந்து ஒரு நிர்வாக ரீதியான முடிவுகளை  எடுக்கவுள்ளோம் அத்தோடு  மேலதிகமாக ஏதாவது நிதி மூலங்களைதேடுவதா அல்லது நிலையான சேமிப்பில் இருக்கிற பணத்தை எடுத்து செலவழிப்பதா எவ்வாறு இந்த நெருக்கடியை சமாளிப்பது தொடர்பில் நாம் விரைவில் ஆராய்ந்து நடவடிக்கை எடுக்க வுள்ளோம் என்றார்...