தொலைத்தொடர்பு சேவை கட்டணம் இன்று முதல் உயர்த்தப்படுகின்றது ! 

பெறுமதி சேர் வரியை திருத்தியமைக்க அரசு முடிவு செய்துள்ளதுடன், இன்று (01) முதல் தொலைத்தொடர்பு சேவைகளில் அதிகரிக்கப்பட்ட பெறுமதி சேர் வரி சேர்க்கப்படும் என தொலைபேசி நிறுவனங்கள் தெரிவிக்கின்றன.

தற்போதைய 15 வீத பெறுமதி சேர் வரியை இன்று முதல் 18 வீதமாக அதிகரிக்க அரசாங்கம் நடவடிக்கை எடுத்துள்ளதுடன், இதன் காரணமாக தொலைத்தொடர்பு சேவைகளுக்கான கட்டணம் 3 வீதத்தால் அதிகரிக்கப்படும் என தெரிவிக்கின்றன .

கட்டணங்கள்

இதன்படி, அழைப்புக் கட்டணம், இணையச் சேவைக் கட்டணம், கட்டணத் தொலைக்காட்சி சேவைக் கட்டணம் போன்ற அனைத்து சேவைகளுக்கும் அறவிடப்படும் கட்டணங்கள் அதிகரிக்கப்படும் என தொலைபேசி நிறுவனங்கள் தெரிவித்துள்ளன