ஜப்பானில் சக்திவாய்ந்த நிலநடுக்கம் : சுனாமி எச்சரிக்கை! 

ஜப்பானில் இன்று (01) சக்திவாய்ந்த நிலநடுக்கம் ஏற்பட்டுள்ளதாக சர்வதேச ஊடகங்கள் தெரிவித்துள்ளன.

இந்த நிலநடுக்கம் 7.4 ரிச்டர் அளவில் பதிவாகியுள்ளதாக தெரிவிக்கப்பட்டுள்ளது.

ஜப்பானின் நானாவோ, இஷிகாவா பகுதியிலிருந்து 54 கிலோ மீற்றர் தொலைவில் குறித்த நிலநடுக்கம் ஏற்பட்டுள்ளது.

சுனாமி எச்சரிக்கை

இதனால் ஜப்பானின் மேற்கு கடற்கரையின் பரந்த பகுதிக்கு சுனாமி எச்சரிக்கை விடுக்கப்பட்டுள்ளது.

ஜப்பானின் இஷிகாவா, நைகட்டா, டொயாமா மற்றும் யமகட்டா மாகாணங்களின் கரையோரப் பகுதிகளை விட்டு விரைவாக மக்களை வெளியேறுமாறு வலியுறுத்தப்பட்டுள்ளது.

இஷிகாவாவில் உள்ள நோட்டோ தீபகற்பத்திற்கு 5 மீற்றர் வரை அலைகள் கணிக்கப்பட்டுள்ளதாக ஜப்பானின் NHK தெரிவித்துள்ளது.

புத்தாண்டு தினமான இன்று ஏற்பட்ட நிலநடுக்கம், டோக்கியோ மற்றும் கான்டோ பகுதி முழுவதும் உணரப்பட்டதாக தெரிவிக்கப்பட்டுள்ளது