மேலும் 8 மில்லியன் இறக்குமதி செய்யப்பட்ட முட்டைகள் சதொசவிற்கு..! 

மேலும் 8 மில்லியன் இறக்குமதி செய்யப்பட்ட முட்டைகள் சதொச விற்பனை நிலையங்களுக்கு வழங்க ஆரம்பிக்கப்பட்டுள்ளதாக அரச வணிக இதர சட்டப்பூர்வ கூட்டுத்தாபனம் தெரிவித்துள்ளது.

அந்த முட்டைகளுக்கு கால்நடை உற்பத்தி மற்றும் சுகாதார திணைக்களத்தின் அங்கீகாரம் கிடைத்துள்ளதாக அதன் தலைவர் ஆசிறி வலிசுந்தர தெரிவித்தார்.

அதன்படி இன்று (28) முதல் சதொச விற்பனை நிலையங்கள் ஊடாக முட்டைகள் வாடிக்கையாளர்களுக்கு கிடைக்கும் என தலைவர் தெரிவித்தார்.

பண்டிகைக் காலங்களில் அதிக தேவையினால் பல கடைகளில் முட்டை இருப்புக்கள் தீர்ந்துவிட்டதாகவும், நாளொன்றுக்கு ஒரு மில்லியன் முட்டைகள் நாட்டுக்கு இறக்குமதி செய்யப்படுவதாகவும் அவர் மேலும் தெரிவித்தார்.