மின்சாரம் இன்றி தவிக்கப் போகும் மக்கள் -  கடும் நெருக்கடியில் இலங்கை 

விக்டோரியா நீர்த்தேக்கத்தின் அதிகபட்ச நீர் மட்ட உயரம் கடல் மட்டத்திலிருந்து 438 மீட்டர் ஆகும்.  அதிகபட்ச நீர்மட்டம் கடல் மட்டத்திலிருந்து 380 மீட்டருக்கு மேல் இருந்தால் மட்டுமே நீர்த்தேக்கத்தில் மின்சாரம் உற்பத்தி செய்ய முடியும். ஆனால் நீர்த்தேக்கத்தின் நீர் கொள்ளளவு குறைந்துள்ளதால், தற்போது நீர்த்தேக்கத்தின் அதிகபட்ச நீர்மட்டம் கடல் மட்டத்திலிருந்து 409.7 மீட்டர் உயரத்தில் உள்ளது.

மின்சாரம் உற்பத்தி

அதிகபட்ச நீர் கொள்ளளவு இருந்தால், 06 முதல் 08 கிகாவாட் மணி நேரத்திற்குள் மின்சாரம் உற்பத்தி செய்ய முடியும்,

மேலும் 13 முதல் 14 மில்லியன் கன மீட்டர் வரை நீர்த்தேக்கத்திலிருந்து வெளியேற்றப்படுகிறது. அண்மைய நாட்களில் மின்சார உற்பத்திக்காக 01 கிகாவாட் மணித்தியாலத்திற்கும் குறைவான நீரே விடுவிக்கப்பட்டிருந்தது.

அனல் மின்நிலையம்

 அனல் மின்நிலையத்தில் உள்ள மின் உற்பத்தி இயந்திரம் ஒன்று பழுதடைந்தமையினால் ஏற்பட்ட பற்றாக்குறையை பூர்த்தி செய்வதற்காக நேற்று முதல் நீர்த்தேக்கத்திலிருந்து 2.5 கிகாவாட் மணித்தியால மின்சார உற்பத்திக்காக 6.5 மில்லியன் கனமீற்றர் நீர் திறந்து விடப்பட்டுள்ளது.