சட்டமன்றத் தேர்தல் நெருங்கி வரும் சூழலில், திமுக ‘விடியலை நோக்கி ஸ்டாலின் குரல்’ ! 

தமிழகத்தில் சட்டமன்றத் தேர்தல் நெருங்கி வரும் சூழலில், திமுக ‘விடியலை நோக்கி ஸ்டாலின் குரல்’ என்ற தலைப்பில் தீவிர பிரச்சாரம் நடத்தி வருகிறது. அந்த வகையில் நேற்று தென்காசி மாவட்டம் சங்கரன்கோயில், கடையநல்லூர் உள்ளிட்ட பகுதிகளில் திமுக எம்.பி கனிமொழி பிரச்சாரம் நடத்தினார்.

அக்கூட்டத்தில் பேசிய கனிமொழி, “மக்களுக்கு ஊறுவிக்கும் வகையில் மத்திய அரசு இயற்றி வரும் சட்டத்தை எதிர்த்து குரல் கொடுக்க முடியாத நிலையில் தான் அதிமுக அரசு இருக்கிறது. தமிழகத்தையே கூறுபோட்டாலும் கூட ஆட்சியை விட்டு விடக்கூடாது என்ற நோக்கத்தில் தான் பழனிசாமி இருப்பார். மு.க ஸ்டாலினுக்கு அறிக்கை நாயகன் என பட்டம் கொடுத்திருக்கிறார். ஸ்டாலினின் அறிக்கையால் தான் தமிழகத்தில் ஒரு சில நல்ல திட்டங்களாவது நடக்கிறது” என்று விமர்சித்தார்.

மேலும் எடப்பாடி பழனிசாமி அடிக்கல் நாட்டுவதோடு அவ்வளவு தான். தமிழகத்தின் அடிக்கல் நாயகனாக திகழ்கிறார் என்று கூறிய கனிமொழி, திமுக ஆட்சிக்கு வந்தால் மக்களுக்கு தேவையான அனைத்து திட்டங்களும் நிறைவேறும் என்றும் விவசாயிகளுக்கு நலன் கருதி பல திட்டங்கள் கொண்டு வரப்படும் என்றும்