வாணியம்பாடி அருகே விவசாய கிணற்றில் குளித்தபோது எதிர்பாராத விதமாக நீரில் மூழ்கி 17 வயது சிறுவன்! 

திருப்பத்தூர் வாணியம்பாடி அருகே விவசாய கிணற்றில் குளித்தபோது எதிர்பாராத விதமாக நீரில் மூழ்கி 17 வயது சிறுவன் உயிரிழந்தார். திருப்பத்தூர் மாவட்டம் வாணியம்பாடி அடுத்த அரப்பாண்டகுப்பம் பகுதியை சேர்ந்த சாம்பசிவம் மகன் சரத்சூரியா(17). இவர் இன்று காலை மேல் அழிஞ்சிகுளம் பகுதியில் உள்ள விவசாய கிணற்றுக்கு, நண்பர்களுடன் குளிக்க சென்றுள்ளார். அப்போது கிணற்றின் மேலே இருந்து குதித்தபோது, எதிர்பாராத விதமாக கால்தவறி விழுந்த சரத்சூரியா தலையில் காயமடைந்து, நீரில் மூழ்கினார்.

அந்த பகுதியை சேர்ந்த பொதுமக்கள் தேடியும் சிறுவனை மீட்க முடியாத நிலையில், இதுகுறித்து, வாணியம்பாடி தீயணைப்பு நிலையத்துக்கு தகவல் அளித்தனர். அதன் பேரில் சம்பவ இடத்திற்கு தீயணைப்புத்துறை அலுவலர் வெங்கடேசன் தலைமையில் சென்ற வீரர்கள், சுமார் 2 மணிநேர போராட்டத்துக்கு பின் சிறுவனை சடலமாக மீட்டனர். தொடர்ந்து சடலத்தை கைப்பற்றி பிரேத பரிசோதனைக்கு அனுப்பிவைத்த அம்பலூர் போலீசார், இதுகுறித்து வழக்குப்பதிவு செய்து விசாரணை மேற்கொண்டு வருகின்றனர்.