தமிழக விவசாயிகளுக்கு எந்த பாதிப்பும் இல்லை” : முதல்வர் பழனிசாமி திட்டவட்டம்! 

புதிய வேளாண் சட்டங்களால் தமிழக விவசாயிகளுக்கு எந்த பாதிப்பும் இல்லை என்று முதல்வர் பழனிசாமி தெரிவித்துள்ளார்.

தமிழக முதல்வர் எடப்பாடி பழனிசாமி நிவர் மற்றும் புரெவி புயலால் ஏற்பட்ட சேதங்களை மாவட்டவாரியாக ஆய்வு செய்து வருகிறார். அந்த வகையில் நேற்று நாகை மற்றும் திருவாரூர் மாவட்டகளில் புயல் பாதிப்பு குறித்து ஆய்வு மேற்கொண்டார். நாகை மாவட்டம் கருங்கண்ணி பகுதியில் பாதிப்பை நேரில் ஆய்வு செய்த முதல்வர், பழங்கள்ளிமேட்டில் உள்ள முகாமுக்கு சென்று அங்குள்ள மக்களுக்கு நிவாரண பொருட்களை அளித்தார். அதேபோல் மழையால் வீடுகளை இழந்தவர்களுக்கு உதவித்தொகையையும் வழங்கினார். பின்னர் அங்கிருந்து திருவாரூர் மாவட்டம் நன்னிலம் சென்ற முதல்வர் பழனிசாமி அங்கு புயல் பாதிப்புகளை ஆய்வு செய்தார்.

இதை தொடர்ந்து திருவாரூரில் செய்தியாளர்களை சந்தித்த எடப்பாடி பழனிசாமி, இதுவரை விடுப்பட்டவர்களுக்கு மீண்டும் புயல் சேதம் குறித்து கணக்கெடுக்கப்படும். வேளாண் சட்டங்களால் தமிழக விவசாயிகளுக்கு எந்தப் பாதிப்பும் இல்லை. தொழில் வளர்ச்சிக்கு சாலைகள் மிக முக்கியம். அதனால் 8 வழி சாலை திட்டம் அவசியம் என்றார்.