புரவி புயலால் விமான சேவைக்கு பாதிப்பில்லை – மேலும் 333 இலங்கையர்கள் நாட்டை வந்தடைந்தனர்! 

கொரோனா வைரஸ் அச்சம் காரணமாக மத்திய கிழக்கில் சிக்கித் தவித்த மேலும் 333 இலங்கையர்கள் நாட்டை வந்தடைந்துள்ளனர்.

அவர்கள் அனைவரும் இன்று (வியாழக்கிழமை) காலை கட்டுநாயக்க விமான நிலையத்தை வந்தடைந்துள்ளனர்.

அதன்படி கட்டாரிலிருந்து 49 பேரும் ஜேர்தானிலிருந்து 284 பேரும் இவ்வாறு இன்றை தினம் நாடு திரும்பியுள்ளனர்.

நாட்டை வந்தடைந்த அனைவரும் விமான நிலையத்தில் வைத்து பி.சி.ஆர். பரிசோதனைகளுக்கு உட்படுத்தப்பட்துடன், தனிமைப்படுத்தல் நடவடிக்கைகளுக்காகவும் அழைத்துச் செல்லப்பட்டுள்ளனர்.

நாட்டில் மோசமான வானிலையை ஏற்படுத்திய புரெவி சூறாவளியால் கட்டுநாயக்க விமான நிலையத்தின் சேவைக்கு எந்தவிதமான இடையூறும் ஏற்படவில்லை என விமான நிலையத்தின் பொறுப்பாளர்கள் தெரிவித்துள்ளமை குறிப்பிடத்தக்கது.