இந்தியாவில் கொரோனாவால் பாதிக்கப்பட்டோரின் மொத்த எண்ணிக்கை 95 இலட்சமாக உயர்வு! 

இந்தியாவில் கொரோனா வைரஸ் பரவல் வேகம் படிப்படியாக குறைந்து வருகிற நிலையில் கடந்த சில தினங்களாக புதிய பாதிப்பு எண்ணிக்கை 40 ஆயிரத்திற்கும் குறைவாக காணப்படுகின்றது.

அதேசமயம், நாடு முழுவதும் குணமடையும் எண்ணிக்கை தொடர்ந்து அதிகரித்து வருகிறது என சுகாதார அமைச்சு அறிவித்துள்ளது.

இந்நிலையில், இன்று காலை மத்திய சுகாதார அமைச்சு வெளியிட்ட தகவலின்படி இந்தியாவில் கொரோனாவால் பாதிக்கப்பட்டவர்களின் மொத்த எண்ணிக்கை 95 இலட்சத்து 71 ஆயிரத்து 559 ஆக காணப்படுகின்றது.

கடந்த 24 மணி நேரத்தில் 36 ஆயிரத்து 594 பேருக்கு கொரோனா தொற்று உறுதி செய்யப்பட்டுள்ளது.

அத்தோடு ஒரே நாளில் 540 பேர் மரணம் அடைந்துள்ளன நிலையில் மொத்த உயிரிழப்பு எண்ணிக்கை ஒரு இலட்சத்து 39 ஆயிரத்து 188 ஆக உயர்ந்துள்ளது.

கொரோனா பாதிப்பில் இருந்து குணமடைந்தவர்களின் எண்ணிக்கை 90 இலட்சத்து 16 ஆயிரத்து 289 ஆக உயர்ந்துள்ளது. நேற்று மட்டும் 42 ஆயிரத்து 916 பேர் குணமடைந்துள்ளதாக மத்திய சுகாதார அமைச்சு குறிப்பிட்டுள்ளது.