இதற்கு முக்கியத்துவம் அளிக்காமல் அரசியல் நாடகங்களை அரங்கேற்றுவதில் தான் ட்ரம்ப் முக்கியத்துவம் அளித்து வருகின்றார். இருப்பினும் தனது தோல்வியை ட்ரம்ப் இதுவரை ஏற்கவில்லை. வாக்குப்பதிவில் குளறுபடிகள் நடந்திருப்பதாக திசை திருப்ப பார்க்கிறார். இந்தியாவில் ட்ரம்பிற்கு எத்தகைய சிறப்பான வரவேற்பு அளிக்கப்பட்டது என்பதை மறந்துவிடக் கூடாது.



தவறான நபர்களுடன் உடன் நிற்பது நமது கலாச்சாரம் இல்லை. இருப்பினும் நாம் அவ்வாறு நின்றோம். அமெரிக்காவின் தலைமைப் பொறுப்பிற்கு ஜோ பைடன் விரைவில் பதவியேற்க உள்ளார். துணை அதிபர் பதவிக்கும் இந்திய வம்சாவளியைச் சேர்ந்த கமலா ஹாரிஸ் தேர்வு செய்யப்பட்டுள்ளார். இவருடைய சாதனைகளை ட்ரம்ப் கண்டிக்கும் வகையில் பேசியுள்ளார்.



இதன்மூலம் ஒரு பெண்ணிற்கு எப்படி மரியாதை அளிக்க வேண்டும் என்பது கூட அவருக்கு தெரியவில்லை. அமெரிக்க மக்கள் தங்கள் தவறை திருத்திக் கொண்டு டிரம்பிற்கு பை பை சொல்லிவிட்டனர்.பிஹார் மாநிலத்தை ஆளும் அரசும் இப்படியொரு நிலையில் தான் இருக்கிறது. நிதிஷ் குமார் தலைமையிலான தேசிய ஜனநாயக கூட்டணி அரசு தோல்வியை தழுவப் போவது உறுதி.



எங்களைத் தவிர இந்த தேசத்திற்கு மாற்று வேறும் யாருமில்லை. தற்போது நமது நாட்டின் தகுதியற்ற தலைவர்களை தூக்கி எறியும் செயலில் பொதுமக்கள் ஈடுபட வேண்டும் என்று சாமனா பத்திரிகையில் குறிப்பிட்டுள்ளது.