திருத்தணியில் தடையை மீறி வேறு யாத்திரையை தொடங்கிய பாஜக மாநிலத் தலைவர் எல். முருகன் கைது செய்யப்பட்டார்! 

திருத்தணியில் தடையை மீறி பாஜக தொடங்கிய வேல் யாத்திரையை தடுத்து நிறுத்தியது போலீஸ். திருத்தணி கோயிலில் வேலுடன் சென்று சாமி தரிசனம் செய்து யாத்திரை தொடங்கிய எல்.முருகன் கைது செய்யப்பட்டார். பாஜக மாநில துணை தலைவர் அண்ணாமலை உள்ளிட்ட நிர்வாகிகளை கைது செய்து போலீஸ் அழைத்துச் சென்றது.

பாஜகவின் வேல் யாத்திரைக்கு தமிழக அரசு அனுமதி மறுத்தநிலையில் அக்கட்சியின் மாநில தலைவர் எல். முருகன் தடையை மீறி யாத்திரையை தொடங்கினார். அவரை பூந்தமல்லி அருகே போலீசார் தடுத்து நிறுத்தினர். ஆனால், திருத்தணியில் முருகனை வழிபடச் செல்வதாகக் கூறி சென்றார்.அதன்படி திருத்தணி கோயிலுக்கு வேலுடன் சென்று சாமி தரிசனம் செய்தார் தமிழக பாஜக தலைவர் எல்.முருகன்.

பின்னர் அங்கு கூடியிருந்த பாஜகவினருடன் இணைந்து வேல் யாத்திரையை தடையை மீறி தொடங்கினார்.6 மாவட்ட போலீசார் சுமார் 1010 பேர் திருத்தணியில் குவிக்கப்பட்ட நிலையில் போலீசார் யாத்திரைக்கு சென்றவர்களை தடுத்தி நிறுத்தியது குறிப்பிடத்தக்கது.