பழனி அருகே அதிவேகமாக சென்ற கார் மரத்தின் மீது மோதிய விபத்தில் ஓரே குடும்பத்தை சேர்ந்த 4 பேர் பரிதாபமாக உயிரிழந்தனர்! 

பழனி அருகே அதிவேகமாக சென்ற கார் மரத்தின் மீது மோதிய விபத்தில் ஓரே குடும்பத்தை சேர்ந்த 4 பேர் பரிதாபமாக உயிரிழந்தனர். திண்டுக்கல் மாவட்டம் அத்தப்பகவுண்டன் புதூர் கிராமத்தை சேர்ந்தவர் நடராஜ். இவரது மகன் மணிவேல்(30) என்பவருக்கு பெண் பார்ப்பதற்காக பழனியருகே உள்ள

பாப்பம்பட்டிக்கு 2 கார்களில் சென்றனர். ஒரு காரை மாப்பிள்ளை மணிவேல் ஓட்டிச்சென்றார். பழனியை அடுத்த கரடிக்கூட்டம் பகுதியில் சென்றபோது காரின் டயர் வெடித்ததில் நிலைதடுமாறி சாலையோரத்தில் இருந்த மரத்தின் மீது மோதியது. இந்த விபத்தில் மணிவேல், அவரது தந்தை நடராஜ், தாத்தா

கருப்பணன் மற்றும் பாட்டி முத்தம்மாள்‌ ஆகியோர் சம்பவ இடத்திலேயே உயிரிழந்தனர். படுகாயங்களுடன் மகாலட்சுமி என்பவர் மருத்துவமனையில் அனுமதிக்கப்பட்டார். பழனி தாலுகா போலீசார் உடல்களை மீட்டு பிரேத பரிசோதனைக்காக அனுப்பி வைத்தனர். விபத்து குறித்து தீவிர விசாரணை நடத்தி

வருகின்றனர்.