கரவெட்டி பிரதேசத்தில் கட்டாக்காலி மாடுகளை கட்டுப்படுத்துவதற்கான கலந்துரையாடல் பிரதேச செயலர் தலைமையில் இடம்பெற்றது! 

கரவெட்டி கமநல சேவை திணைக்களத்தின் அதிகாரத்துக்கு ட்பட்ட பகுதி விவசாயிகள்  கட்டாக்காலி மாடுகளால்   எதிர்நோக்கும் பிரச்சனைக்கு தீர்வு காணும் முகமாக விசேட கலந்துரையாடல்  கரவெட்டி பிரதேச செயலர் தலைமையில் இடம்பெற்றது 

பெரும்போக நெற்செய்கையில் ஈடுபடுகின்ற விவசாயிகள் கால்நடைகளால் எதிர்நோக்கும் பிரச்சினைகள் தொடர்பில் தமது கருத்தினை தெரிவித்தார்கள் குறித்த கால்நடைகளை கட்டுப்படாத விடத்து தொடர்ச்சியாக நெற்செய்கை மேற்கொள்ள முடியாது எனவும் கமநல சேவைத் திணைக்களத்தினர் உடனடியாக இந்த கட்டாக்காலி மாடுகளை கட்டுப்படுத்துவதற்குரிய நடவடிக்கை எடுக்க வேண்டும் என கோரிக்கை விடுத்தனர் இது தொடர்பில் கமநல சேவைத் திணைக்களத்தினர் கரவெட்டிபிரதேச செயலகத்தினருடன் இணைந்து குறித்த கட்டாக்காலி மாடுகளை கட்டுப்படுத்துவதற்கான தீர்மானம் எடுக்கப்பட்ட தோடு எதிர்காலத்தில் இவ்வாறான கட்டாக்காலி மாடுகள் கட்டுப்படுத்தப்படும் என உறுதிமொழி வழங்கினர்  

குறித்த கலந்துரையாடலில் கரவெட்டி பிரதேச செயலர் கமநல சேவை அபிவிருத்தி உத்தியோகத்தர் விசேட அதிரடி படையினர்,கிராமசேவகர்,பொருளாதார அபிவிருத்தி உத்தியோகத்தர்கள்  கமக்கார அமைப்புக்களின் தலைவர், செயலாளர் மற்றும் அங்கத்தவர்கள்,பட்டி மாட்டு  உரிமையாளர்கள் கலந்துகொண்டனர்.