17 வயது சிறுமியை திருமணம் செய்துகொள்வதாக கூறி கர்ப்பமாக்கிய இளைஞர்! 

17 வயது சிறுமியை திருமணம் செய்துகொள்வதாக கூறி பாலியல் வன்கொடுமை செய்து கர்ப்பமாக்கிய இளைஞரை போக்சோ சட்டத்தின் கீழ் போலீசார் கைதுசெய்தனர். கும்பகோணம் அடுத்த பந்தலூர் காமாட்சிபுரத்தை சேர்ந்தவர் சக்திவேல்(24). இவர் அரியலூரை சேர்ந்த 17 வயது சிறுமியை

காதலித்து வந்துள்ளார். இந்நிலையில் அந்த சிறுமியிடம் திருமணம் செய்து கொள்வதாக ஆசை வார்த்தை கூறி பாலியல் வன்கொடுமை செய்துள்ளார். இதனால் அந்த சிறுமி கர்ப்பமானதாக கூறப்படுகிறது. இதுகுறித்து அறிந்த

குழந்தைகள் நலகுழும மாவட்ட சமூக நல அலுவலர் ராஜேஸ்வரி, கும்பகோணம் அனைத்து மகளிர் காவல் நிலையத்தில் புகார் அளித்தார். அந்த புகாரின் அடிப்படையில் சக்திவேல் மீது போக்சோ சட்டத்தின் கீழ் வழக்குப்பதிவு செய்த போலீசார், அவரை கைது செய்து விசாரணை நடத்தி வருகின்றனர்.