மறைந்த பின்னணி பாடகர் எஸ்.பி.பாலசுப்ரமணியத்தின் 16ஆம் நாள் நினைவு இசையஞ்சலி! 

மறைந்த பின்னணி பாடகர் எஸ்.பி.பாலசுப்ரமணியத்தின் 16ஆம் நாள் நினைவு தினத்தையொட்டி, திருவள்ளூரில் இசைக்கலைஞர்கள் சார்பில் இசையஞ்சலி நிகழ்ச்சி நடைபெற்றது. தமிழ்நாடு மேடை மெல்லிசை கலைஞர்கள் சார்பாக திருவள்ளூர் ஆயில்மில் பகுதியில் நடைபெற்ற இந்த நிகழ்ச்சியில் திருவள்ளூர் பகுதி இசை கலைஞர்கள் கலந்துகொண்டு இசை கச்சேரி மூலம் இசை அஞ்சலி செலுத்தினர்.

கொரோனாவால் வாழ்வாதாரத்தை இழந்து வறுமையில் வாடியபோதும், இசைக்கலைஞர்கள் தங்களது சொந்த செலவில் எஸ்.பி.பாலசுப்பிரமணியத்திற்கு இசை அஞ்சலி செலுத்தியது, பொது மக்களிடையே பெரும் வரவேற்பை பெற்றுள்ளது