உணவு பாதுகாப்பு அதிகாரி என வசூல் வேட்டை செய்தவர் கைது! 

தூத்துக்குடி மாவட்டம், விளாத்திகுளம் அருகே மத்திய உணவு பாதுகாப்பு அதிகாரி என கூறி ஓட்டல்களில் வசூல் வேட்டை நடத்திய இளைஞரை போலீசார் கைது செய்தனர்.

விளாத்திகுளம் அருகே உள்ள எட்டயபுரத்தில், கடந்த 2 ஆம் தேதி மத்திய உணவு பாதுகாப்பு அதிகாரி என்று கூறி டிப் டாப் ஆசாமி ஒருவர் வந்துள்ளார். அவர் அங்குள்ள வியாபாரிகளிடம் 100 ரூபாய் முதல் 2 ஆயிரம் ரூபாய் வசூல் செய்துள்ளார்.

இதனால் சந்தேகமடைந்த கடைக்காரர்கள், தூத்துக்குடி உணவு பாதுகாப்பு துறை அதிகாரிகளிடம், சிசிடிவி காட்சிகளை காட்டி விசாரிக்கையில், டிப் டாப் ஆசாமி போலியான நபர் என்பது தெரிய வந்தது.

இது குறித்து வணிகர்கள் அளித்த புகாரின் பெயரில் , போலீசார் விசாரணை நடத்தி வந்தனர். இந்த நிலையில், வியாபாரிகளிடம் அதிகாரி போல் நடித்து ஏமாற்றியது சிவகங்கை மாவட்டம் சிங்கம்புனேரியை சேர்ந்த கணேசன் என்பவரது மகன் கார்த்திகேயன் (22) என்பதும் தெரிய வந்தது. அவர் அங்கு மெடிக்கல் நடத்தி வருவதும், பல இடங்க்ளில் கை வரிசை காட்டியதும் தெரியவந்துள்ளது. இதையடுத்து கார்த்திகேயனை போலீசார் கைது செய்தனர்.