35 ஆயிரம் வயல் காணிகளில் பயிர் செய்கை செய்யமுடியாத நிலை! 

மட்டக்களப்பு மாவட்டத்தில் எதிர்காலத்தில் முப்பத்தையாயிரத்திற்கு மேற்பட்ட விவசாயக் காணிகளில் எந்தவித விவசாய பயிர் செய்கைகளிலும் ஈடுபட முடியாதளவிற்கு மணல்

அகழ்வு இடம் பெற்று வருவதாக முன்னாள் கிழக்கு மாகாணசபை உறுப்பினர் இரா.துரைரெட்ணம் தெரிவித்தார்.

மட்டக்களப்பு வாவிகரை வீதியிலுள்ள பத்மநாபா மன்றம் ஈ.பி.ஆர்.எல்.எப். அலுவலகத்தில் இன்று திங்கட்கிழமை (21) கட்சி உறுப்பினர்களடன் இடம்பெற்ற கலந்துரையாடலின் போது அவர் இவ்வாறு தெரிவித்தார்.

ஒருபகுதியில் வரட்சியும், ஒருபகுதியில் வெள்ளமும் ஏற்படும். வாய்க்கால்களிலும், வயல் நிலங்களிலும்,

மேட்டுநிலங்களிலும். ஏனைய பகுதிகளிலும் ஓருசில விவசாய அமைப்பு அனுமதி கடிதத்துடனும், வனவளதிணைக்களத்தின் அனுமதியுடனும்,

அனுமதியில்லாமல் மணல் அகழ்வதும்,அனுமதி எடுப்பது ஒரு இடம். மணல் அகழ்வது வேறு ஒரு இடம்.

இப்படி பல முறைகளில் மணல் அகழ்விற்கான அனுமதி போட்டிக்கு வழங்குவதால் பாரிய சுற்றுச்சூழல் பாதிப்பை இம் மாவட்டம்

எதிர்நோக்கும். தவறான முறையில் மணலை எடுப்பவர்கள் ஒரு சிலருக்கு இலஞ்சத்தை வழங்கி விட்டு ஒருசில பொலிசாரின் உதவியுடனும், அரசியல் பலத்துடனும் மணல் அகழ்வதற்கான செயற்பாடுகள் அதிகரித்துக் கொண்டே செல்கின்றன.

மாவட்டத்திலுள்ள அரச நிருவாகத்தின் ஆளுமையை மீறிச் செல்கின்றளவிற்கு மணல் அகழ்விற்கான வேலைகள் அதிகரித்துச் செல்கின்றன.

இங்குள்ள எந்தவித பொது அறிவுமற்ற ஏனைய மாவட்டத்தைச் சேர்ந்த ஒருசில அரசியற்பலம் உள்ளவர்களாலும் சில பாதுகாப்பு தரப்பினராலும் இங்குள்ள ஒருசிலரின் உதவியுடன் மணல் எங்கு இருக்கின்றதோ அதை அடையாளப்படுத்தி கொழும்பில் அரசியல் அதிகாரம் உள்ளவர்களினால் அனுமதியைப் பெற்று மாவட்டத்திலுள்ளவர்களுக்கு

உத்தரவுகளை வழங்கி அப் பிரதேசம் சார்ந்த எந்த அறிவும் இல்லாதவர்களுடன் ஆலோசனையைப் பெற்று மணல் அகழ்வதற்கான வேலைகளை முடக்கியுள்ளனர். அப்பிரதேசங்களைச் சேர்ந்த தொழில் இல்லாத இளைஞர்கள் தங்களுடைய வறுமை காரணமாக இத் தொழிலில் ஈடுபடுத்தப் படுகின்றனர்.

மணலை அகழ்வதற்கு வேலைக்கு அமர்த்தப்படுபவர்கள் அப்பாவிகள், எதுவும் அறியாதவர்கள் இதற்கு சூத்ரதாரியாக இருக்கின்ற அனுமதி பெறுகின்ற அமைப்புக்களைச் சார்ந்தவர்கள் அமைப்பு ரீதியான கூட்டங்களை நடாத்தி

அமைப்புக்களின் கலந்தாலோசனையுடனேயே மணல் அகழ்விற்கான அனுமதி வழங்கப்பட வேண்டும். காகிததலைப்பையும், ரபர் முத்திரையையும் வைத்துக் கொண்டு தனிநபராக ஒருசிலர் கடிதங்களை வழங்குவதூடாக பாரிய மோசடிக்கு வித்திடப்பட்டுள்ளனர்.

வெள்ள காலத்தில் மணல் வார்ப்பதைக் கூட தவறான முறையில் பயன்படுத்து மளவிற்கு மேற்பார்வை இல்லாத நிலை மணல் அகழ்வு விடயத்தில் உள்ளது கவலைக்குரிய விடயமாகும் ஏன்றார்.