4பேருக்கு உடனடியாக வகுப்புத்தடை விதிக்கப்பட்டுள்ளதாக யாழ் பல்கலைக்கழக முகாமைத்துவ பீட பீடாதிபதி நிமலதாசன் தெரிவித்தார்! 

யாழ் பல்கலைக்கழகத்தில் இடம்பெற்றதாக கூறப்படும் இணையவழி பகிடிவதை தொடர்பாக 4பேருக்கு உடனடியாக வகுப்புத்தடை விதிக்கப்பட்டுள்ளதாக யாழ் பல்கலைக்கழக முகாமைத்துவ பீட பீடாதிபதி நிமலதாசன் தெரிவித்தார்.

இன்று காலை யாழ் பல்கலைக்கழகத்தில் இடம்பெற்ற ஊடகவியலாளர் சந்திப்பில் கலந்து கொண்டு கருத்து தெரிவிக்கும் போதே மேற்கண்டவாறு தெரிவித்தார்.

இது தொடர்பில் மேலும் தெரிவிக்கையில்,

யாழ் பல்கலைக்கழகத்தில் இடம்பெற்றதாக கூறப்படும் இம்சை சம்பவம் தொடர்பில் சந்தேகத்தின் பெயரில் முகாமைத்துவ பீட இரண்டாம் வருடத்தைச் சேர்ந்த 4 மாணவர்கள் இனம் காணப்பட்டு அவர்களுக்கான உடனடி நடவடிக்கையாக வகுப்புத்தடை விதிக்கப்பட்டு. விசாரணைகள் இடம்பெற்று வருகின்றன.

மேலும் இரண்டாம் வருட மாணவர்களின் இம்சைச் செயற்பாடுகளுக்கு உதவியதாக நம்பப்படும் முதலாம் வருட மாணவர்கள் இருவர் இனம்காணப்பட்டுள்ளனர். இவர்கள் உடனடியாக இன்று காலை விடுதிகளை விட்டு வெளியேய்றப்பட்டு விசாரணைகள் ஆரம்பிக்கப்பட்டுள்ளன.

எதிர்வரும் காலங்களில் பல்கலைக்கழக மாணவர்கள் இவ்வாறான இம்சைப்படுத்தல்களுக்கு உட்படாமல் இருப்பதற்கு மாணவர்களுக்கு தெளிவுட்டல்கள் இடம்பெறும் எனவும் தெரிவித்தார்.

 இணையவழியில் கற்றல் செயற்பாடுகளை ஆரம்பிக்க இம்சையாளர்களும் இணையத்தில் தமது இம்சைகளை ஆரம்பித்துள்ளனர் என யாழ் பல்கலைக்கழக துணைவேந்தர் சி.சற்குனராஜா தெரிவித்தார்.

யாழ் பல்கலைக்கழக முகாமைத்துவ பீடத்தில் இடம்பெற்றாக கூறப்படும் இணையவழி பாலியல் ரீதியான பகிடிவதை தொடர்பில் இன்று இடம்பெற்ற ஊடகவியலாளர் சந்திப்பின் போதே மேற்கண்டவாறு தெரிவித்தார்.

இது தொடர்பில் மேலும் தெரிவிக்கையில்,

புதுமுக மாணவர்கள் வரும் போது இம்சைப்படுத்தல்கள் இடம்பெறுகின்றன. இவை பல்வேறு பரிமாணங்களில் நடைபெறுகின்றன.

கோவிட்- 19 இடர் நிலைமைகளினால் கற்றல்கள் இணையவழியில் இடம்பெற ஆரம்பித்திருந்தோம். இம்சையாளர்களும் இணையத்தில் தமது இம்சைகளை மேற்கொள்கின்றன.

ஊடகங்களும், பொது மக்கமும் ஒன்றினைந்து பகிடிவதையை வேறறுக்க முடியும்.

இரண்டு நாட்களுக்குள் ஆரம்பகட்ட விசாரணைகளை மேற்கொண்டு குற்றப் பத்திரத்தை தயாரித்து ஏழு நாட்களுக்குள் இம்சைச் செயற்பாடுகளில் ஈடுபட்டதாக அடையாளம் காணப்பட்ட நபர்கள் பதில் வழங்குவதற்கு கால அவகாசம் வழங்கப்படும்.

மாணவர்கள் ஓழுக்காற்று சபை ஒன்றினையும் உருவாக்கியுள்ளதாகவும் இம்சைப்படுத்தல் தொடர்பில் உரிய கவணம் செழுத்தப்படும் எனவும், தெரிவித்தார்.