அதிமுக தலைமையகத்தில் ஓபிஎஸ் – ஈபிஎஸ் இன்று மாலை 4 மணிக்கு ஆலோசனை நடத்தவுள்ளனர்! 

தமிழகத்தில் சட்ட பேரவை தேர்தல் இன்னும் 8 மாதங்களில் நடைபெறவுள்ளது. இதற்கான ஆயத்த பணிகளில் தமிழகத்தின் பிரதான கட்சிகளான திமுக – அதிமுக ஆகியவை ஈடுப்பட்டு வருகின்றன.

திமுக முதல்வர் வேட்பாளராக முக ஸ்டாலின் இருப்பார் என்பது ஏற்கனவே உறுதியான நிலையில் அதிமுக முதல்வர் வேட்பளார் யார் என்ற கேள்வி எழுந்தது. ஆனால் அது குறித்து பின்னர் அறிவிக்கப்படும் என்றும் இனி அதிமுக நிர்வாகிகள் யாரும் முதல்வர் வேட்பாளர் குறித்த வாய் ததிறக்க கூடாது என்றும் கட்சி மேலிடம் அறிவுறுத்தியது. இருப்பினும் சில அதிமுக அமைச்சர்கள் எடப்பாடி பழனிசாமி தான் அடுத்த முதல்வர் என்று தொடர்ந்து கூறி வருவது கட்சிகள் சலசலப்பை ஏற்படுத்தியுள்ளது.

இந்நிலையில் சென்னை ராயப்பேட்டை அதிமுக தலைமையகத்தில் ஓபிஎஸ் – ஈபிஎஸ் இன்று மாலை 4 மணிக்கு ஆலோசனை மேற்கொள்ளவுள்ளனர். இந்த ஆலோசனைக் கூட்டத்தில் அமைச்சர்கள், தலைமை நிர்வாகிகள் உள்ளிட்டோர் பங்கேற்கின்றனர். சட்டமன்ற தேர்தலுக்கான பணிகள் குறித்து கூட்டத்தில் ஆலோசிக்கப்படவுள்ளதாக கூறப்படுகிறது.