அரசு மருத்துவமனைகளில் 2,41,615 பேருக்கு அவசரகால சிகிச்சை -  

கடந்த மார்ச் மாதம் முதல் அரசு மருத்துவமனைகளில் அவசர கால சிகிச்சை பிரிவில் எந்த தாமதம் இல்லாமல் விபத்து உள்ளிட்ட அவசர காலசிகிச்சைக்காக 1,52,188 நோயாளிகளுக்கு சிகிச்சை அளிக்கப்பட்டிருப்பதாக சுகாதாரத்துறை அறிவித்துள்ளது.



அதில் 63,633 நோயாளிகளுக்கு உயிர்காக்கும் அறுவை சிகிச்சைகள் செய்யப்பட்டுள்ளதாகவும் தெரிவிக்கப்பட்டுள்ளது.



மேலும் விஷம் ,தீ காயம் ஏற்பட்ட 52,849 நபர்கள் காப்பாற்ற பட்டுள்ளதாகவும் 19,947 பாம்பு கடி சிகிச்சையும் 4,494 பச்சிளம் குழந்தைகளுக்கான சிகிச்சையும், 4,432 நபர்களுக்கு மாரடைபிற்கான சிகிச்சையும், 7,775 நபர்களுக்கு பக்கவாதத்திற்கான சிகிச்சையும் கொரோனா காலத்தில் கொடுக்கப்பட்டுள்ளதாக அறிவிக்கப்பட்டுள்ளது.



ஆகவே கொரோனா காலத்தில் மொத்தமாக அரசு மருத்துவமனைகளில்  2,41,615 பேருக்கு அவசர கால சிகிச்சை அளிக்கப்பட்டுள்ளதாக தெரிவிக்கப்பட்டுள்ளது.