யாழ் மாநகர சபைக்குட்பட்ட சந்தைகளில் பொலித்தீன் பாவனை முற்றாகத்தடை! 

யாழ் மாநகர சபைக்குட்பட்ட  மரக்கறிச்சந்தை மற்றும் இறைச்சி கடைகளில் பொலித்தீன் பாவனை முற்றாகத்தடை செய்யப்பட்டுள்ளது என மாநகரசபை சுகாதார வைத்திய அதிகாரி பணிமனை - சுகாதார வைத்திய அதிகாரி த.பாலமுரளி தெரிவித்துள்ளார்.

மேலும் இந்த நடவடிக்கையை மேற்கொள்ள வியாபார நிலைய உரிமையாளர்களுக்கு காலஅவகாசம் எதிர்வரும் (15/09/2020) வரை வழங்கப்பட்டுள்ளது எனவும் அதன் பிற்பாடு பொலித்தீன் பயன்படுத்தப்படின் வியாபார நிலைய உரிமையாளர்கள் மீது நடவடிக்கை எடுக்கப்படும் எனவும் தெரிவிக்கப்பட்டுள்ளது.

பொலித்தீன் பாவனை முற்றாகத்தடை செய்யும் தீர்மானம் மாநகரசபை மாதாந்த பொதுக்கூட்டத்திலேயே எடுக்கப்பட்டுள்ளது என்பது குறிப்பிடத்தக்கது.