கொரோனா பரிசோதனை முடிவுகளை குறுஞ்செய்திகளாக அனுப்ப நடவடிக்கை எடுக்கப்பட்டுள்ளது - அமைச்சர் விஜயபாஸ்கர் 

கொரோனா பரிசோதனை முடிவுகளை குறுஞ்செய்திகளாக அனுப்ப நடவடிக்கை எடுக்கப்பட்டுள்ளது,'' என,சுகாதாரத்துறை அமைச்சர் விஜயபாஸ்கர் தெரிவித்தார்.



கொரோனா தடுப்பு பணி குறித்த ஆய்வு கூட்டம் நேற்று, கோவை கலெக்டர் அலுவலகத்தில் நடந்தது.கூட்டத்துக்குப் பின், அமைச்சர் விஜயபாஸ்கர் கூறியதாவது:பொதுமக்கள், சாதாரண காய்ச்சல், சளி, இருமல் எதுவாக இருப்பினும் உடனடியாக பரிசோதனை செய்துகொள்ளவேண்டும்.

பரிசோதனை முடிவுகள், 24 மணி நேரத்தில் வழங்க அறிவுறுத்தப்பட்டுள்ளது. பரிசோதனை முடிவுகளை குறுஞ்செய்திகளாக அனுப்ப நடவடிக்கை எடுக்கப்பட்டுள்ளது. இவ்வாறு, அவர் கூறினார்.