யாழ்ப்பாணம் இந்துக் கல்லூரியில் கொரோனா வைரஸ் தொடர்பான விழிப்புணர்வு செயலமர்வு இடம்பெற்றது! 

யாழ் இந்துக் கல்லூரியில்  தரம் - 9 மாணவர்களுக்கு கொவிட் - 19 நோய் தொற்று தொடர்பான விழிப்புணர்வு செயற்பாடு சபாலிங்கம் மண்டபத்தில்   பிரதி அதிபர் திரு,சு.பரமேஸ்வரன் அவர்களின் தலைமையில் இடம்பெற்றது

நிகழ்வில் தரம் 9 பகுதி தலைவர் திரு ரூபசீலன் வகுப்பு ஆசிரியர்கள்   சுகாதாரக் கழக பொறுப்பாசிரியர் திரு.க.சுவாமிநாதன் மற்றும் ஆசிரியர்கள் பங்குபற்றியிருந்தனர்

நிகழ்வில் பாடசாலை சுகாதார வைத்திய அதிகாரி DR. சோ. நித்தியானந்தா மற்றும் பாடசாலைகள் பொதுச் சுகாதார பரிசோதகர் திரு.ராஜா ஆகியோர்  விழிப்புணர்வு செயற்பாட்டை மேற்கொண்டனர் 

குறித்த விழிப்புணர்வு செயற்பாட்டில் இன்றைய நிலையில் கொவிட் - 19 தொடர்பாக ஏன் அவதானமாக இருக்கவேண்டும் மற்றும் உலகளாவிய ரீதியில் தாக்கத்தை ஏற்படுத்திக் கொண்டிருக்கும் குறித்த வைரஸிலிருந்து எவ்வாறு  எம்மை  பாதுகாக்கலாம் அதேபோல் பாடசாலையில் தொற்று ஏற்படாவண்ணம் நாம் எவ்வாறு செயற்பட வேண்டும் அதேபோல் வீட்டில்  மற்றும் வீதிகளில் பயணம் செய்யும் போது எவ்வாறான நடைமுறைகளை பின்பற்ற வேண்டும் போன்ற விடயங்கள் கல்லூரி மாணவர்களுக்கு விளக்கமளிக்கப்பட்டதோடு எதிர்வரும் காலத்தில் இவற்றினை செயல்படுத்துவதன் மூலம் பாரிய வைரஸ் தொற்றிலிருந்து பாதுகாக்க முடியும் என வைத்திய அதிகாரிகளினால் விளக்கமளிக்கப்பட்டது.