சிலர் மட்டுமே அனைத்து செயல்களுக்கும் இடது கையை பயன்படுத்துவர்! 

பொதுவாக பெரும்பாலானோர் வலது கையைதான் அதிகம் பயன்படுத்துகிறோம். சிலர் மட்டுமே அனைத்து செயல்களுக்கும் இடது கையை பயன்படுத்துவர்.

இடது கை பழக்கமுடையோர் வசதிக்கேற்ப எந்த பொருளும் பயன்பாட்டிற்கு வருவதில்லை. வலது கை பயனாளர்களுக்கு ஏற்பவே தயாரிக்கப்படுகிறது. இதனால் இடது கைப் பழக்கமுள்ளோர் அன்றாட வாழ்வில் பல சவால்களை சந்திக்கின்றனர். அவர்கள் சந்திக்கும் சிரமங்களை மற்றவர்கள் உணரும் வகையில் ஆண்டுதோறும் ஆக.13 ல் சர்வதேச இடது கை பழக்கம் உள்ளோர் தினம் கடைபிடிக்கப்படுகிறது.

மகாத்மா காந்தி முதல் மாவீரன் அலெக்ஸாண்டர் வரை இடது கை பழக்கமுடையவர்களே. நடிகர் அமிதாபச்சன், சச்சின் டெண்டுல்கர் என ஏராளமான பிரபலங்களும் உள்ளனர்.இடது கையால் ஒரு பொருளைக் கொடுத்தாலோ, வாங்கினாலோ, தொட்டாலோ அவமதிப்பு என்ற எண்ணம் நம்மில் பலரிடம் உள்ளது.

இந்நிலையில், இடது கை கிரிக்கெட் வீரர் யுவராஜ் சிங், தனக்கு பிடித்த நான்கு இடது கை பேட்ஸ்மேன்களை பட்டியலிட்டுள்ளார்.

அதில், பிரைன் லாரா, ஆடம் கில்கிறிஸ்ட், சவுரவ் கங்குலி, மேத்யூ ஹெய்டன் ஆகியோரை குறிப்பிட்டுள்ளார்.