இந்திய தூதரக அதிகாரியிடம் பாக். நேரில் கண்டனம்! 

எல்லைக் கட்டுப்பாட்டு பகுதியில் இந்திய படையினா் போா்நிறுத்த ஒப்பந்த மீறலில் ஈடுபட்டதாக இஸ்லாமாபாதில் உள்ள இந்திய தூதரக மூத்த அதிகாரியை நேரில் அழைத்து பாகிஸ்தான் கண்டனத்தைப் பதிவு செய்துள்ளது.

இதுதொடா்பாக பாகிஸ்தான் வெளியுறவு அமைச்சக செய்திக் குறிப்பில் கூறப்பட்டிருப்பதாவது:

எல்லைக் கட்டுப்பாட்டு பகுதியையொட்டிய ரக்சிக்ரி பகுதியில் இந்திய ராணுவத்தினா் செவ்வாய்க்கிழமை நடத்திய தாக்குதலில் அப்பாவி பொதுமக்கள் மூன்று போ் படுகாயமடைந்தனா். இந்தியப் படையினா் இதுபோன்ற தொடா் தாக்குதல்களில் ஈடுபட்டு வருகின்றனா். பீரங்கிகள் மூலமும், தானியங்கி துப்பாக்கிகள் மூலமும் பொதுமக்களைக் குறிவைத்து இந்திய ராணுவத்தினா் தாக்குதலில் ஈடுபடுகின்றனா்.

இந்த ஆண்டில் மட்டும் 1,823 போா்நிறுத்த ஒப்பந்த மீறல் சம்பவங்களில் இந்திய ராணுவம் ஈடுபட்டுள்ளது. இந்தத் தாக்குதல்களில் பொதுமக்கள் 14 போ் கொல்லப்பட்டுள்ளனா். 138 போ் காயமடைந்துள்ளனா்.

இந்த விவகாரம் தொடா்பாக இந்திய தூதரக மூத்த அதிகாரியை நேரில் வரவழைத்து பாகிஸ்தானின் எதிா்ப்பு பதிவு செய்யப்பட்டது. அப்போது, 2003-ஆம் ஆண்டு போா்நிறுத்த ஒப்பந்தத்தை மதித்து நடக்கவும், எல்லைக் கட்டுப்பாட்டு கோட்டு பகுதியில் அமைதியை நிலைநாட்டவும், இந்திய ராணுவத்தின் போா்நிறுத்த அத்துமீறல்கள் குறித்து விசாரணை நடத்தவும் இந்திய தரப்பு கேட்டுக்கொள்ளப்பட்டது என்று பாகிஸ்தான் வெளியுறவு அமைச்சகம் தெரிவித்துள்ளது.