கடலுக்கு சென்ற இரு மீனவர்கள் மாயம்-கதறும் உறவுகள் 

மீன்பிடி நடவடிக்கையில் ஈடுபடுவதற்காக

 தலைமன்னாரிலிருந்து  படகில் சென்ற இரு மீனவர்கள் இதுவரை கரை திரும்பவில்லை. என தெரிவிக்கப்படுகிறது.

செவ்வாய் கிழமை (12) மாலை 07.30 மணியளவில் தலைமன்னார் கடற்கரையிலிருந்து  மஞ்சல் நிற இலக்கம் 4391mnr என்ற இலக்கம் உடைய படகில் இரு மீனவர்கள் வலிச்சல் மூலம் மீன்பிடிக்காகச் சென்றுள்ளனர்.

இருப்பினும், இவர்கள் வழமையாக கரை திரும்பும் நேரத்தில் கரை திரும்பாததால் அப்பகுதி மீனவர்கள்  தேடுதலில் ஈடுபட்டுள்ளனர்.

இவர்களைத் தேடிச் சென்ற படகுகளில் இரு படகுகள் காற்று மற்றும் கடல் கொந்தளிப்பு காரணமாக  கரை திரும்ப முடியாத நிலையில் கச்சத்தீவில் தரித்து நிற்பாகத்  தெரிவிக்கப்படுகின்றது.

காணாமல் போன இரு மீனவர்களும் தலைமன்னார் ஊர்மனையைச் சேர்ந்த  இரண்டு பெண் பிள்ளைகளின் தந்தைகளாவர்.